باقة النت بتخلص معاك بسرعة ومبتكملش لآخر الشهر!! الحل هنا

كتير مننا بيعاني من مشاكل النت من بطء السرعة وان الباقة ما بتكملش لآخر الشهر واوقات كتير بتخلص في اول الشهر

علشان كده انهارده هقولكم على الزيتونة وازاي تخلي باقة النت تكمل معاك لآخر الشهر

بالنسبة للانترنت في مصر تحديداً فمعروف ان شركات الاتصالات ال 4 بتقدم خدمة الانترنت

We, Vodafone, Etisalat, Orange

وكتير بيقول على معظمهم نصابين وحرامية، اوقات فعلاً بيكون في حجات مش مظبوطة زي ان الباقة لسة عاملينها ونلاقيها خلصت فوقتها بنقدم شكاوى وبناخد حقنا،

ولكن نيجي للوضع الطبيعي وهو ان الباقة تخلص معانا في خلال اسبوع

Mad boy

مبدئياً: احنا لازم نفهم الاول شركات النت بتحاسبنا ازاي على الجيجات

المعروف ان السرعة بتنقسم لجزئين:

  • سرعة التنزيل “Download” :
  • سرعة الرفع “upload”:

نبدأ بشرح سرعة التنزيل: “Download speed”

Download

السرعات في مصر ماشية بالميجا بت مش بالميجا بايت ونركز في النقطة دي علشان مهمة جداً!!

Megabyte

1MB = 8Mb

ال 1 ميجابايت = 8 ميجا بت

وبما ان السرعات في مصر ماشية بالميجابت يعني لو مشترك في سرعة 8 ميجا فهي هتكون 8 ميجا بت يعني هتحمل الملف بسرعة 1 ميجا بايت

سرعة الابلود

upload

وبينطبق عليها نفس الموضوع في المجابايت والميجابت

ولكن في مصر سرعة الابلود بتكون غالباً 1/8 من سرعة التنزيل

نيجي بقى للزيتونة: نظام المحاسبة بيكون على حسب استهلاكك لل Bandwidth

الباندويدث هو اجمالي البيانات المستهلكة خلال الابلود او الداونلود

bandwidth

يعني لو عملت ابلود لاي حاجه سواء صورة او فيديو ده هيتحسب

ولو عملت تحميل لاي حاجه سواء صورة او فيديو ده برضوا هيتحسب

فانت هتتحاسب ع ال 2

مش بس كده ده انت هتتحاسب على اي موقع بتفتحه سواء فيس بوك او تويتر او غيره

وكمان هتتحاسب على اي فيديو بتشغله سواء ع فيس او يوتيوب

لان الفيديو علشان يشتغل بيفضل يحمل بيانات ع الجهاز بتاعك علشان يقدر يعرضهالك على شكل فيديو.

بعد ما فهمنا ازاي بنتحاسب على استهلاكنا جه الوقت اللي اقولكم فيه الطرق اللي هتساعدكم تقللوا استهلاككم.

Connected people

لازم نتأكد من عدد المتصلين بالشبكة وانه مفيش حد مخترق شبكة الوايفاي

ودي ممكن تعرفها من خلال برنامج اسمه fing هتلاقيه على متجر جوجل بلاي

Fing

هنزلكم شرح لطريقة تأمين نفسك من الاختراق قريب إن شاء الله

video quality

تاني حاجه هو اختيار جودة الفيديو

مؤخراً سراعات الانترنت العالية بتخلي الفيديو يشتغل تلقائي على اعلى جودة ممكنة وده بيستهلك جيجات اكثر وبالشكل ده الجيجات هتخلص بسرعة من غير ما نحس ونقول على الشركات حرامية الخ..

فنختار الجودة 480 او 720 نحاول ما نزدش عن كده ونخليها يدوي مش تلقائي

autoplay

ثالث حاجه وهو اننا نوقف التشغيل التلقائي للفيديوهات على الفيسبوك.

زي الشرح اللي في الصورة
ويفضل نستخدم Facebook lite لانه بيستهلك قليل جداً من الباقة هنلاقيه على المتجر

رابع حاجه نقلل من الحجات اللي بنرفعها:

لو كل شوية بنرفع فيديو حالة واتس او ستوري فيسبوك او انستجرام الخ ،، نقلل منها جامد لان ده بيستهلك زيه زي مشاهدة الفيديو.

خامس حاجه Netflix : ده لوحده كفيل انه يخلص الباقة ولازم نظبط اعدادات جودة الفيديو من الاعدادات على ما يشغلش الفيديو على اعلى جودة

Netflix video quality

سادس شئ هو التحديثات التلقائية سواء كانت في الموبايل او في الويندوز
نوقفها ونعمل التحديث يدوي كل فترة لان ده بيسحب كتير من الباقة

windows auto update

نوقف التحديثات التلقائية للويندوز

google play

ونوقف التحديثات التلقائية لبرامج الاندرويد والآيفون

وآخر شئ هو متابعة الاستهلاك:

لو كنت موصل انترنت من WE فتقدر تتابع استهلاكك من موقعهم https://mytedata.net
بتسجل ايميل ببياناتك الخاصة بالاشتراك وبتتابع استهلاكك

تاني جزئية لو شاكك انك بتتسرق فتتابع استهلاكك من جميع الاجهزة المتصلة

لو فاتح من ويندوز تقدر تتابع استهلاكك بالشكل ده

windows settings

هتدخل على الاعدادات وتختار Network & internet

ثم هنختار Data usage

windows data usage

اما من الموبايل تقدر تنزل اي برنامج تتابع منه استهلاكك زي برنامج Data Monitor

Data monitor

او بدون برامج من خلال الاعدادات وبتدخل على Data usage

ومتابعة الاستهلاك مهمة علشان تقدر تعرف في حد فعلاً مخترقق وفي استهلاك زيادة
وفي حالة اتأكدت انه ماحدش مخترقكك يبقى بتكلم الشركة وتقدم شكوى بوجود استهلاك زيادة

وبكده يكون انتهى الشرح وبعتذر للاطالة

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد